القائمة الرئيسية

الصفحات

جمل لازم نحذفها من قاموس حياتنا نهائيا

جمل لازم نحذفها من قاموس حياتنا نهائيا 



1- " الله يخربيتك " ... معناها الله يخرب بيتك مش للهزار يعنى !
و الكلمه دى فى إهانة لله لان ربنا مش بيخرب بيت حد والعياذ بالله


2- " ربنا يخليك " ... معناه " ربنا يتخلى عنك " 
لأن ( يخلى ) جاية من التخلية والخلو بمعنى الترك والاستغناء فانت مش بتدعى ليه لأ

3- " لك تقبرنى يا رب " ... معناها " تضعنى فى القبر "
 مش للحب والسهوكة والهزار خالص على فكرة

4- " نوم الظالم عبادة " ...
 هى مش عبادة على فكرة هى راحة من شره بس ... يعنى مفيش آية أو حديث أو أى نص شرعى يقول إنها عبادة خالص

5- " ده يوم أسود " أو " وقت زبالة " أو " زمن غدار " ...
 إن كان قصدك على الزمن نفسه فده حرام بالإجماع لأن كل اللى فى الزمن من صنع الله ... فمن سبَّ الزمن فقد سبَّ الله ... فى الحديث القدسى يقول الله تعالى "يؤذيني ابن أدم يسب الدهر وأنا الدهر .بيدي الأمر ،أقلب الليل والنهار" رواه مسلم

6- " دا احنا زارنا النبى "
 بتقولها لما يجيلك ضيف وانت عاوز ترفع من قدره ... مش عاوز اصدمك وأقولك إن النبى مات ومش هيجى يزورك .. آه والله مش هيجى يزورك ... ومش عاوز اصدمك أكتر واقولك إنك كذبت حتى لو لم تقصد الكذب

7- " كتر خير الدنيا " 
بتقولها لما حد يزورك ويسألك عن حالك وانت مريض .. الدنيا لا يتوجه أحد لها بالشكر والعبادة بل يتوجه لله وفقط... " قل إن الفضل بيد الله " مش بيد الدنيا

8- " نايم جوا بياكل رز مع الملايكه " ...
 جملة غلط 100% لأن الملائكة منزهون عن الأعراض البشرية كالأكل والشرب والنوم ..(الخ) ... قال تعالى " يسبحون الليل والنهار لا يفترون "

9- " قال رسول الله (ص) " ....
 ايه (ص) دى عاوز أفهم ؟ لا بجد فهمنى ؟! ... عاوز تكتب حديث يبقى تكتبها كاملة " صل الله عليه وسلم " .. أهو ع الأقل تاخد ثواب اللى هيقراها كاملة بسببك

10- " اسم النبى حارسك وصاينك " ... 
لا هو الله الحارس والحافظ مش اسم النبى خالص على فكرة

•• 11- " لا حياء فى الدين " .... 
هو الدين كله حياء والصح إنك تقول " لا حياء فى العلم "

12- " عملت اللى عليا والباقى على ربنا " ...
 كأن ربنا شريك ليك عليك جزء وهو عليه جزء وحاشا لله ذلك .. الأفضل ان تقول عملت اللى عليا والتوفيق من الله

قال ﷺ :" إن الرجل ليتكلم بالكلمة لا يرى بها بأسا يهوي بها سبعين خريفا في النار " .
#معلومة كل يوم ... فضلاً وليس أمراً شارك المعلومات حتى تعم الفائدة
هل اعجبك الموضوع :
author-img
مدونه l معلومة كل يوم مدونه تهتم بمعلومة كل يوم جديدة .. بالانترنت والوظائف الأسبوعية وكيفية الربح من الانترنت , واليكم افضل قوالب بلوجر للمدونات والتسويق الألكترونى والربح من خلالها . ونهتم ايضا بالحمايه ونشر التوعيه الرقميه بما يخص العالم الالكتروني . موقع معلومة كل يوم هوموسوعة عربية شاملة ثقف نفسك واقرأ كثيراً ، استفد وأفد غيرك . بنشر الثقافه الالكترونيه ويوجد حلقات يوتيوب ننشرها دوما وباستمرا يمكنك متابعتها عن طريق القناة التعليمة وقناة فنون الطبخ .. أرجو ان نكون سببا لنفعكم دوما .

تعليقات

التنقل السريع