القائمة الرئيسية

الصفحات

#إنفجارات تهز العاصمة بيروت #إنفجارات " لبنان"

#إنفجارات تهز العاصمة بيروت #إنفجارات " لبنان"


في نفس الوقت الي أنتَ بتقرأ فيه السطور دي، في أب بيبكي حرقة وأم بتعيط، وشباب كتير مش مصدقة..



لبنان حرفيـًا بتدمـر..

الي حصل خلال الساعات الي فاتت في بيروت يُعتبر أكبر كارثة إنسانية عاصرناها من فترة طويلة..

لو أحداث ١١ سبتمبر كانت مُرعبة بالنسبة للغرب فالوطن العربي النهاردة على موعد مع واحدة من أكبر الكوارث عبر تاريخـه ..

إنفجار ضخم هائل شبيه بالانفجارات النووية دمر تقريبـًا العاصمة بيروت كاملة..

يعني إمبارح أهل بيروت الي كانت عاصمة الجمال مكنوش عمرهم هيتخيلوا إن في خلال ساعات قليلة جدًا شكل المدينة هيتغـير 

بالشكل ده وكم الضحايا والأذى الي هيحصل ده، هيحصل بالفعل..

الأول لازم تفهم يا صديقي إن لبنان بقالها أسبوع واقعة تحت وطأة صراع ما بين حزب الله بقيادة حسن نصر الله واsرائيـل، 

وصواريخ بتضرب من هنا على هنا ومن هناك على هنا والوضع متوتر ..

فالي حصل فاق كل التوقعات..

النهاردة سمع الكل صوت صفارات إنذار ضخم بتنطـلق في المدينة فخرج المواطنين يشوفوا في ايه..؟

فجأة شافوا انفجـار هائل حصل في ميناء بيروت..




إنفجار يُشبه في كافة تفاصيله انها قنبلة نووية على خفيف..

الناس شافت سحابة دخان ضخمة واصلـة من قلب الميناء تحت لعنـان السماء بالأعلـى وشبه المشروم بالظبط، يعني حاجة شبه إنفجار نووي!.

بس الي هيحصل دلوقتي مكنش حد مُتخيله مُطلقًا..

مجموعه انفجارات صغيرة في قلب نفس مكان الإنفجار الأول..

وفجأة..

إنفجار كارثي حرفيًـا، لم يشهده العالم من قبل!.

لدرجة أن مداه تخطى بيروت عشان يوصل لبنان كلها، إزاز البيوت تهشَّم، والعربيات في الطرق اتقلبت، والنيران مسكت في الشوارع، وفي مباني اتهدمت زيّ ما هتشـوف في الصور..

أقولك كمان ..

مـطار بيروت اتدمر، مصالح حكومية تم تدميرها بالكامل وغيره من المباني تقريبًا بيروت اتدمرت حرفيًا ..

اللبنانيين في الأول افتكروا نفسهم تحت القصف وأنها الحرب، ولو أنت في بيتك قافل عليك، هتعتقد مع الصوت والمدى الإنفجاري أنها نهاية العالم!.

الرُعب حرفيًا بشـع ..

الآباء بدأوا يجروا بأولادهم خايفين، والهلع انتشر ..

عشان يصطدم أهل لبنان بحاجة تانية..

موجـة صوتية ضخمـة هـزّت لبنان كلها، لأ بُص سيبك من تشيرنوبل..

الي حصل كان أعظم وأقسى مع كل أسف!.

حاجة أشبه بإنفجـار هيروشيما النووي، وعدد الضحايا يُقال أنه يتخطى حاجز الآلاف حسب التكهنات، وعدد المُصابين أكبـر !.

في حين إن أصابع الاتهام دلوقتي في العالم كله بتتجه للكيان المُحتل، إلا إن نتنياهو خرج فورًا وأخلى مسؤولية الكيان تمامًا عن الحادث..

بس خد التصريح ده..

وزير الداخلية في لبنان بيقول..

غالبًا سبب الإنـفـجـار ده هو تخزين كمية ضخمة من مادة نترات الأمونيوم في حاويات داخل الميناء وانفجرت..

في شهود عيان بيقولوا إنهم شافوا طيارة سوداء بتحـوم فوق الميناء قبل الحادث بثواني..

بس الحقيقة لحد دلوقتي محدش عارف فين ومين وليـه..؟

بس وزير الداخلية لسه خارج بتصريح بيحـذر فيه من موجة تانية من الانفجارات وبيؤكد على إخلاء المدينة ضروري..

رحم الله شهداء الوطن العربي كافة..

وطني أليس للحزن فيك مدة انتهاء صلاحية..؟

أو على الأقل أن يُحفظ بعيدًا عن مُتناول الأطفال.

شوف الصور والفيديوهات شوف مدى الفزع والرعب الي حصل تحت وادعو لهم بالرحمة..

تعديل..  أنا شخصيـًا شغال في ميناء الإسكندرية، الي حصل زيّ بواقع خبرتي بيقول..

إن كان في حاويات تصنيفها "خـطر"

 كونها بتحوي بضائع خطرة، البضائع الخطرة دي بتكون عبارة عن مركبات كيميائية خطيرة قابلة للاشتعال في صورة سائلة أحيانًا 

وأحيانًا تانية في صورة صلبة وبيكون ممنوع اختلاطها مع باقي الحاويات أثناء عملية التعتيق،

وحتى تعتيقها بيتم بطريقة مُعينة الي هو مينفعش تحط أكتر من حاويتين فوق بعض مثلاً في درجات الحرارة العالية..

وتقريبًا حصل حاجة زيّ كده من شأنها خرق شروط السلامة العامة وده سبب الإنفجار ده تقريبًا.

هل اعجبك الموضوع :
author-img
مدونه l معلومة كل يوم مدونه تهتم بمعلومة كل يوم جديدة .. بالانترنت والوظائف الأسبوعية وكيفية الربح من الانترنت , واليكم افضل قوالب بلوجر للمدونات والتسويق الألكترونى والربح من خلالها . ونهتم ايضا بالحمايه ونشر التوعيه الرقميه بما يخص العالم الالكتروني . موقع معلومة كل يوم هوموسوعة عربية شاملة ثقف نفسك واقرأ كثيراً ، استفد وأفد غيرك . بنشر الثقافه الالكترونيه ويوجد حلقات يوتيوب ننشرها دوما وباستمرا يمكنك متابعتها عن طريق القناة التعليمة وقناة فنون الطبخ .. أرجو ان نكون سببا لنفعكم دوما .

تعليقات

التنقل السريع